Дали е навистина важен дизајнот на работното место?

Може да биде забавен, минимален или повеќе конвенционален, но дали дизајнот на канцеларијата е навистина важен кога се мери добросостојбата на персоналот и продуктивноста?

Вработените во Google на Осмата Авенија секојдневно се измамнички манипулирани со дизајнот на работното место. Фиксните маси не постојат и нивните лифтови се навидум поспори – двата фактора ги  принудуваат вработените да се движат повеќе. Сето тоа е во име на околината на работното место создаденаоколу таканаречениот “оркестриран хаос”, поттикнувајќи ги таканаречените “случајни судири” или интеракции кои предизвикуваат неочекувани разговори и нови идеи. Тоа едноставно не може да се случи кога вработените не се движат.

За многумина ова е најдобриот дизајн за работното место, кое ги создава посакуваните форми на однесување на работното место, и барем во теорија покажува подобри резултати. И интелектуално, тоа е сосема логично. Малкумина се оние кои не се согласуваат со тоа дека опкружувањето на кое се изложени вработените е важно, и  не само затоа што безбројните истражувања го поддржуваат истото. Во една анкета  спреоведена од Office Genie на 1.456 работници во 2017 година, 45проценти се жалеле на недостигот на колаборативен простор, додека 20 проценти изјавиле дека нивната работна средина всушност ги попречува да ја завршат својата работа.

Дали  навистина вреди редизајнирањето на вашата канцеларија?

Со статистички податоци како овие, не е изненадување што пазарот за редизајнирање на канцеларијата е во подем. Податоците добиени од истражувањето на Deloitte 2017 UK London Crane покажуваат дека реновирањето на канцеларијата ги надминува границите во размер два спрема еден. Но, тука е проблемот. Многу анкети кои го откриваат она што вработените го сакаат, често се нарачани од добавувачи кои ги туркаат своите решенија. Но колку тоа реално е важно, е сосема поинаква ситуација.

“Да се има инспиративна работна средина, е нешто што навистина прави разлика”, вели Charles Bettes, директор на студиото за архитектура и дизајн gpad London. “Она што никогаш не е одговорено е  колкава е точно разликата во споредба со останатите трошоци – обука, развојот на менаџментот или придобивките – кој има сигурен поврат на инвестицијата (RoI).”

Shaun Watts, претседател на Chameleon Business Interiors, додава дека трошокот за дизајнирање на работното место е огромен ризик, особено бидејќи канцелариите се сопоственост која на долг рок ги губи средствата. “Здравиот разум ви кажува дека на различни работници им треба разновидност во нивниот работен простор”, вели тој. Но, како што Richard Morris, главен извршен директор на матичната компанија Регус IWG, забележува: “Не е лесно изолирањето на дизајнот наспроти културата или лидерството”.

Дизајнот на работното место е важен само ако е усогласен со потребите на организацијата.

И се чини дека дебатата станува се помалку сигурна, благодарение на порастот на сателитските простори за соработка, како што се WeWork. Повеќето се минималистички дизајнирани, бидејќи задоволуваат повеќе бизниси, се грижат за набавување на опрема за која дизајнерските агенции уверуваат дека е од витално значење за инспирација на персоналот. Може да се тврди дека нивниот успех е доказ дека вработените можат да работат скоро секаде каде што се обезбедени основните услови : технологија и пријатна температура.

“Она што е интересно за дизајнот на работното место е тоа што во изолација не значи ништо”, вели Craig Murray, консултант за дизајн на работното место во TSK, фирма која неодамна ги обнови просторите како Kellogg и AJ Bell. “Важно е само кога дизајнерите ги слушаат потребите на организациите. Добар дизајн на работното место реагира на „болните точки” и бара решенија за нив “. Тој тврди дека трендот е за создавање на

”дестинациски “канцеларии, кои доаѓаат со доза на опуштеност, а честопати тоа се заборава.

Параметрите постојат за да се оцени колку е битно работното опкружување за ефективноста  на работниот персонал. Оценувачот на ефективноста на работното место Leesman има свои Leesman + процес на идентификација, каде фирмите мора да постигнат 70 или повеќе проценти. И зградата на AJ Bell на TSK постигна 80,6 проценти. Само една од областите кои се испитуваани е како дизајнот на канцеларијата ја подобрува благосостојбата, чувство кое е силно поврзано со продуктивноста.

На различите работни места одговараат различни улоги.

Иако дизајнот останува дизајн, трендовите сепак се менуваат. Но, она што е интересно е дека откако се тврдеше дека треба да се отворат канцелариите, истражувањата во моментот ја преипитуваат таа одлука. Една студија на 40.000 работници во 300 канцеларии од Journal of Environmental Psychology заклучува дека придобивките од “подобрената интеракција” се помали од недостатоците предизвикани од зголемената бучава и намалената приватност”.

Penny Newman, главен службеник во правната фирма Lewis Silkin, се согласува. “Ние ја намаливме големината на нашето седиште за да можеме подобро да го искористиме просторот за соработка, но ги зачувуваме тивки области за приватност”, вели таа. “Ние во моментов ги истражуваме точните пропорции на традиционалниот канцелариски  и отворен простор за да ја добиеме околината која одговара на работата што ја работиме.”

Решение на ова е нешто што Christopher Allen, раководител на консултантски услуги на работното место во Morgan Lovell, го нарекува “универзален дизајн” – правејќи зграда достапна за сите – на пример, избегнување на  закривени коридори, што ги дезориентира лицата со оштетен вид.

Но, додека на адвокатите очигледно им треба мир, на многу други, особено на креативците, можеби им требаат повеќе стимулативни средини. Andy Nairn, ко-основач на рекламната агенција Lucky Generals, вели: “Креативноста се огледува во работните околини кои зрачат со живот. Како таква, нашата канцеларија е светла и отворена, со многу простории за дружење. Паметните извршни директори го гледаат дизајнот на работното место како инвестиција за да го добијат најдоброто од своите луѓе, а не како трошок кој треба  да се минимизира. “

Вложување во добар дизајн на работниот простор е вложување во вработените.

Малкумина се они кои тврдат дека дизајнот нема ниаква улога. Од друга страна се виско стилизирани, луксузни простори, приватни клубови кои служат како сателитски работни простори и простори за соработка. Веројатно најдекадентното од нив е The Ministry, 850-работна места, со бар долг дваесетина метри и сервисни простории за состаноци.

Отворен претходно овој месец, тоа е првиот обид на познатиот бренд на ноќен клуб Ministry of Sound’s во обезбедување на работниот простор. Извршниот претседател Lohan Presencer е без „влакна на јазикот”. “Експлозијата на просторот за соработка полека станува трка кон дното – сеедно, со страшни слогани на нивните ѕидови. Бидејќи нашата ДНК е забава, знаеме како да создадеме средини во кои луѓето ќе се чувствуваат креативни. Околу 70 отсто од површината на Ministry of Sound’s е канцелариски простор; остатокот е за разговарање и уживање во него “, вели тој.

Вреди да се запамети дека фанки канцелариите привлекуваат и задржуваат, нои воодушевуваат. “Зградата е 10 до 15 проценти од трошоците на компанијата, што е помалку од 70 до 80 проценти колку се издвојува за вработените”, вели TSK’s Mr Murray. “Вложувањата во просторот се  добро потрошени пари, ако ги направат вашите вработени – посреќни”.

Можеби најголемата иронија за дизајнот на работното место е тоа што по својата визуелна природа, тоа е инвестиција која што всушност може и да се “види”, многу повеќе од програмите за добросостојба или ангажираност. “Тоа е причината зошто директорите уште ќе вложуваат пари во дизајн на работното место”, заклучува Morgan Lovell’s Mr Allen. “Не е тешко да се види бенефитот од вложувањето во одличен дизајн.

Peter Crush

https://www.raconteur.net/business-innovation/workplace-design-matter