Подолго седење на канцелариската столица може да предизвика болка во долниот дел на грбот, или да го влоши веќе постоечкиот проблем. Ова се случува бидејќи седењето воопшто, е статична положба во која доаѓа до притисок на грбот, рамениците, рацете и нозете, а особено се погодени грбните мускули и дисковите на ‘рбетниот столб.
Со подолго седење во канцелариската столица, очекувана појава е луѓето да имаат потреба да се наведнат сеедно дали на страна или надолу. Во таквата положба доаѓа до преоптеретување на лигаментите, дисковите на ‘рбетниот столб и останатата околна структура. Со текот на времето неправилната седечка положба може да предизвика оштетување на ‘рбетната структура и да придонесе кон зголемување на болката во грбот.
Насоки за правилно подесување на канцелариската столица
Ергономска канцелариска столица е помагало, кое кога правилно се користи може да биде адекватна потпора на грбот и да го поддржи правилно држење за време на седењето. Меѓутоа, само да ја имете не е доволно, потребно е знаете да ја прилагодите пропорционално за секој корисник, со цел обезбедување на удобноста и намалување на оптоварувањето на ‘рбетот.
Прв чекор кон прилагодување на канцелариската столица е подесување на посакуваната висина, која се одредува во согласност со висина на работната маса. За ова е значајна и висината на оној кој ќе ја користи столицата, како и видот на работата која ја извршува. Висината на работната маса може да варира и честопати бара или поинакво подесување на канцелариската столица или набавка на нова соодветна столица.
Веднаш по првиот чекор, корисникот може да продолжи со прилагодувањата на канцелариската столица кон своите телесни пропорции. Ќе ви прикажеме краток преглед на најбитните насоки за да ви помогнеме да ја прилагодите вашата столица така што ќе биде по удобна, и да придонесува кон намалување на притисокот на ‘рбетот.
Лакти
За почеток седнете на начин на кој што ви е најудобно, што поблиску до масата така што надлактицата ќе ви биде паралелна со ‘рбетот. Ставете ги рацете на површината ( на пр. на масата или на тастатурата). Ако лактите не се под агол од 90 степени, прилагодете ја висината на вашата канцелариска столица ( нагоре или надолу).
Колкови
Проверете дали со леснотија можете да поминете под вашите колкови на предниот дел од столчето. Ако едвај ги провлекувате прстите, морате да ги подигнете нозете со помош на подесив наслон за нозете. Ако сте високи и имате премногу простор помеѓу столицата и колковите, мора да ја подесите висината на работната површина, за да може да ја поткрене вашата столица.
Листови
Со задниот дел цврсто прилепете се на наслонот на вашата столица и обидете се да поминете со затворена тупаница помеѓу вашите листови и предните ногарки на столицата. Ако нема доволно место, вашата столица е предлабока. Ќе мора да го повлечете грбонаслонот кон напред со помошна перница или да набавите нова столица.
Долниот дел на грбот
Задниот дел би требало да биде прилепен кон наслонот на столицата и би требало да имате перниче кое служи како потпора за долниот дел од телото, да се спречи подгрбавување кое произлегува како последица од заморот. Оваа потпора за долниот дел од грбот е особено важна за да се намали оптеретувањето на грбот. Немојте никогаш да се подгрбавувате во канцелариската столица бидејќи тоа предизвикува дополнителен притисок на долниот дел на грбот, а особено на лумбарната поддршка.
Ниво на очите
Откако удобно ќе се сместите во својата столица со главата свртена кон напред, затворете ги очите. Потоа полека отворете ги очите. Погледот би требало да ви биде насочен точно кон средината на мониторот. Ако поглеот ви е насочен пониску или повисоко од тоа, мора или да го подигнете или да го спуштите екранот за да го намалите оптеретувањето во горниот дел на ‘рбетот.
Раконалсон
Подесето го раконаслонот на вашата столица така што само малку ќе ги поткрене рацете во раменици. Употребата на раконаслонот е важна да би се елиминирал дел од оптеретувањето во долниот дел од грбот и рамениците. Исто така, раконаслонот би требало барем делумно да го спречи подгрбувањето.
Бидете активни за да ја намалите болката во грбот
Без оглед на тоа колку е удобна вашата столица, долгото седење не е добро за вашиот грб и честопати придонесува за билка и напрегање на мускулите.
За да го избегнете подолгото задржување на грбот во една положба, немој да заборавите на секој половина час да станете, да се истегнете или да прошетате барем неколку минути. И најмалото истегање или минимално движење – како одење во тоалет – ќе помогне.
Дваесет минути пешачење ќе помогне уште повеќе, промовирајќи здрав проток на крвта кој носи важни хранливи материи за сите структури на ‘рбетот.
Во принцип, движењето и истегнување на редовна основа во текот на целиот ден ќе помогне во зачувување на зглобовите, лигаментите, мускулите и тетивите, што за возврат промовира целокупно чувство на удобност, релаксација и полесно ќе се концентрирате.
Алтернатива за традиционалната канцелариска столица
Додека оваа статија се однесува на традиционалните канцелариски столици, некои луѓе преферираат поактивни, ергономскии столици или пилатес топка.
Додека традиционалниот канцелариски стол е дизајниран да обезбеди целосна поддршка, овие алтернативи помагаат да се промовира добра положба без поддршка на грбот. Тие, исто така, бараат поактивна употреба на мускулите (на пример, за рамнотежа и да седат исправено). Ако имате повреди на грбот или други здравствени проблеми, препорачливо е прво да разговарате со вашиот лекар.
Не постои единствен тип канцелариска столица, кој е оптималена за сите. Луѓето би требало да го проучат сопственото тело, следејќи ги упатствата објаснети во овој текст за да ја пронајдат столица што најмногу им одговара, ќе ги принуди на добро држење и ќе им овозможи правилна потпора за грбот додека седат.
https://www.spine-health.com/wellness/ergonomics/office-chair-how-reduce-back-pain
