Во текот на изминатата деценија Индија и Кина се развија од аутсорсинг поддршка до водечки глобални иновативни центри. Со брзина и агилност какви што дотогаш не биле видени, тие ги надгардиле своите способности и со тоа се позиционираат како иновациски лидери.

Во 12-те месеци до октомври 2017 година, Азија ги отвори своите врати за 19 нови центри за иновации – центри со извонредни вредности,вредни  повеќе милиони долари. Овој ненадеен бран на напредок го зголеми учеството на континентот на 29% во категоријата на иновации на светско ниво . Тоа значи дека Азија е четири поени пред Европа и само неколку чекори зад Силиконска долина која е водечка со 38 %. Додека вториот и понатаму останува најголема дестинација за иновации во светот, нејзиното учество падна за 20 поени од 2015 година, а пазарите во Азија добија значителна основа за привлекување на странски инвестиции наменети за иновации.

Никаде ова не е поочигледно отколку во Индија и Кина, каде што организациите се развиваат од центрите за поддршка до водечките центри за иновации кои го менуваат начинот на кој комуницираме со технологијата. Поддржан од позрели, напредни пазари како Јапонија, Јужна Кореја, Австралија и Сингапур, извонредната трансформација го отвара патот за Азија да ја надмине Силиконска долина  како најпосакувана дестинација за иновации во светот.

“Во 2013 година нашите истражувачи ги забележаа првите знаци на потенцијалот на Кина и Индија како центри за идеи”, објаснува Elise Valoe, глобален истражувачки менаџер во “Steelcase”, која неодамна ја заврши едногодишната студија за иновации во Кина и Индија за подобро да ги разберат уникатните предизвици со кои се соочуваат организациите кои бараат иновации. “Ова беше почеток на невидена промена во начинот на кој тие прават бизнис. Кина има историја за правење делови и компоненти за други компании.Пред околу пет години,тие ја променија својата стратегија и станаа сè повеќе фокусирани на креирање сопствени производи – искористувајќи ги своите знаења и способности за производство,за да добијат глобално признание како технолошки лидери “.

Според Светскиот економски форум, Кина е вториот по големина потрошувач за истражување и развој по САД, кој изнесува 21 % од вкупниот износ од речиси 2 трилиони долари во 2015 година, а трошоците за истражување и развој се зголемиле за 18 % помеѓу 2010-2015, повеќе од четири пати побрзо отколку во САД. Светскиот економски форум предвидува дека брзиот раст на Кина значи дека најверојатно ќе го  преземе водство во следните 5-10 години.

Јасно е дека ова веќе има влијание. Со зголемување на центрите за иновации за 25%, за 47% зголемување на патентираните пријави, 39% од Fortune 500 компании и пад од 8 % во странските директни инвестиции во 2016 година, несомнено е дека иновациите се воведуваат со исклучително зголемена брзина.

КРЕИРАЊЕ НА РАБОТНА СФЕРА НА СЛЕДНАТА ГЕНЕРАЦИЈА

Брзиот премин од процесно-ориентирана кон креативна работа, исто така, во голема мера е поддржан од владите во Кина и Индија преку инвестиции: развивање на нови вештини и создавање одржлив иновативен екосистем. Кинеската влада го поттикнува развојот преку економски стимулации за центрите како Шенжен, каде што производите се движат на пазарот со огромни брзини. Во соработката со приватниот сектор за финансирање на школарина, форуми за иновации и хакатони за поддршка на образовните институции, Кина е во процесот на обука на следната генерација на техничари, а за возврат, преку овие институции ги следи младите таленти кои што се најважни.Само во 2018 година, Кина очекува 8.2 милиони студенти да дипломираат – со број 10 пати поголем отколку во 1997 година и двапати повеќе студенти отколку во САД. Индија зема  се повеќе колаборативен пристап, повикувајќи ги мултинационалните компании да се поврзат со локалните иноватори. Во секој случај, владите се посветени на подобрување на квалитетот и достапноста на високото образование се со цел да го надградат талентот со кој што располагаат.

Денес, Индија се смета за една од најбрзо растечките економии во светот и во домот на Бангалор – моментлно рангиран како најдинамичен град во светот,пред Силиконска долина, од страна на Светскиот економски форум.Надминувачкиот технолошки почетен систем во земјата,привлекувајќи над 20 милијарди американски долари во изминатите 36 месеци е трет по големина во светот. Со повеќе од над 10.000 инженерски институти, Индија „произведува“ повеќе инженери отколку Кина и Соединетите Држави заедно и ја зголемува својата работна сила со над 12 милиони млади луѓе годишно. Изобилството на млади инженери во земјата значи дека е полесно да се ангажираат вработените. Минатата година, истражувањето на LinkedIn и Capegemini ја идентификуваше Индија како најголем извор на “дигитални” таленти во светот. Студијата покажа дека 76% од работната сила во земјата има развиени “дигитални” вештини.

Форсирањето на агресивна агенда за иновации во одборот бара соединување на повеќе фактори “, вели Valoe. “Во Азија гледаме интересни и динамични иновативни центри или мрежи кои се појавуваат во географските области каде што се усогласени интересите на владата, локалната култура, приватниот сектор, образовните институции и ризичните вложувања на  инвеститорите. Во овој случај, особено во Индија и Кина ги набљудуваме градовите во кои целиот екосистем претставува инвестиција во иновации.

И мултинационалните компании потврдија,традиционално Индија се смета за поволен центар за надворешни деловни услуги, чија предност е познавањето на англискиот јазик. Сепак, мултинационалните компании сега сметаат дека Индија е клучен дел од нивните програми за иновации. Во 2016 година, Apple лансираше иновативен центар во Hyderabad за да го забрза развојот на апликацијата Maps –  нивните on-line услуги за полесно снаоѓање на карта.Тогаш отвори 4.000 работни места. LinkedIn, Uber, Facebook и Google го следеа примерот. Најголемиот центар за истражување и развој надвор од САД, во кој ќе има 13.000 вработени на повеќе од два милиони квадратни метри простор, ќе биде отворен во Hyderabad следната година.

Слично на тоа, Кина се разви од производствен центар во технолошки центар преку ноќ и сега е претставништво на некои од најголемите светски интернет и технолошки компании. “Фабриките во Кина не само што се совпаѓаат со глобалните стандарди, туку гледаме и појава на локални херои во банкарските и технолошките индустрии кои многу инвестираат во технолошката експертиза во странство и ја искористуваат сталибилната производствена експертиза на земјата за да се преселат на пазарот со огромни брзини – создавајќи подобри производи кои се конкурентни и често владеат, на глобално ниво “, вели Valoe.

Глобалниот технолошки простор, традиционално доминиран од компаниите со седиште во САД, е поконкурентен од кога и да било. Домашниот конгломерат Tencent неодамна беше именуван за еден од најиновативните компании во светот од страна на Fast Company. Апликацијата за пораки, WeChat, има повеќе од 980 милиони корисници. Додека Tencent веќе гледа кон својата следна промена на парадигмата, Facebook и Snapchat експериментираат со деловните функции и платежните услуги инспирирани од WeChat. Tencent е само почеток на потешкотиите. Трендот е видлив во широк спектар на индустрии.

Земете, на пример, DJI, светски производител на беспилотни летала со седиште во Шенжен. “Кога го лансиравме Mavic Pro, првиот склоплив, компактен потрошувач на беспилотни летала во индустријата, нашите инженери се вратија на цртежот наредниот ден и почнаа да размислуваат како можеме да го надминеме”, вели Кевин Он, директор на комуникацијата на DJI. “Ние постојано се прашуваме што можеме да направиме поинаку или како можеме да ја развиваме нашата технологија за идните апликации. Што ако создадовме рачен кардан користејќи ја стабилизациската технологија на нашето беспилотно летало? Зошто да не дозволиме луѓето да го контролираат своето беспилотно летало со рацете и да го направат летањето лесно и забавно? “

Создавање промени

Организациите во рамките на иновативните центри низ Индија и Кина се реорганизираат за да се поттикнат иновациите и да се оптимизираат нивните бизнис модели. Иновативната или базирана на знаење работа, по својата природа, бара повисоко ниво на креативност и соработка – стил на работа што не се практикува тука. Работните средини се дизајнирани да поддржат индивидуална работа базирана на процеси и да ја максимизираат ефикасноста и продуктивноста.

“Иновацијата произлегува од продуктивната тимска работа, која бара вработените да имаат поголема слобода на креативност и да почнат да ризикуваат во бизнисот “, објаснува Valoe. “На пример, развојните процеси на Кина се одвиваат со молскавични брзини, а новите производи само никнуваат на полиците во продавниците, каде ги преземаат потрошувачите кои ја разбираат технологијата. Потоа, во неверојатно кратко време, подобрените верзии на овие производи доаѓаат на полиците. Нејаснотии ретко кога се појавуваат, а организациите се одлучат за иновации што можат брзо да се лансираат на пазарот и кои се подобрена верзија на стариот производ, а не сосема поинаква, збунувачка верзија. Тоа е нивна конкурентска предност “, продолжува Valoe

“Од друга страна, компаниите со седиште во Индија дозволуваат повисоки нивоа на двосмисленост, притискајќи ги тимовите да го достигнат максимумот во креативноста, да преземаат ризици и да истражуваат нови идеи. Повисоките нивоа на креативност ја пресметуваат брзината со која една компанија може да се претстави на пазарот, бидејќи донесувањето на одлуки трае подолго, но е поверојатно дека ќе доведе до нешто ново “.

ШЕСТ ПРИСТАПИ ЗА ИНОВАЦИИ

Истражувачкиот тим на Steelcase идентификува шест пристапи кон иновации кои организациите во Кина и Индија можат да ги користат, врз основа на нивното ниво на демократија и удобност во процесот на креирањето. На пазарите како Индија, кои се повеќе истражувачки и инвестираат во генерирање на идеи, иновациите имаат тенденција да бидат децентрализирани бидејќи компаниите ја шират мрежата и се приклучуваат на надворешни мрежи. Во Кина, компаниите направија грешка кон претпазливост со построги информации и иновативните тимови се чуваат поблиску до дома.

“Иновацијата е родена од генеративна тимска работа и ова бара да им се даде на вработените поголем степен на креативност и зголемување на нивото на благосостојба во компанијата, што повлекува одреден ризик на двосмисленост.

ELISE VALOE Steelcase, Global Research Manager

Според Valoe, интерните тимови за иновации, или она што почесто се нарекуваат think tanks, најверојатно е најдобриот иновативен модел за компанија со поконзервативен пристап кон иновациите. Таквите компании, исто така, би можеле да размислат за избор на лица задолжени за иновации. Поединците можат, користејќи го моделот на отворени иновации, да водат група луѓе кои, преку интензивна соработка, може во многу краток временски период да откријат многу нови работи и да ги решат постоечките проблеми.

Компаниите со повеќе децентрализирани пристапи кон иновации треба да размислат за ангажирање советници за иновации, отворање канцеларија за далечински иновации или база, или соработка со трета страна.

негување на креативното однесување

Темелната промена од овие размери трае повеќе од две децении. Меѓутоа, во многу случаи во Индија и Кина траеја помалку од пет години. Додека некои компании имаат усвоено подинамична работна средина која промовира иновации, истражувачите од Steelcase забележаа дека многу организации не ги направиле потребните промени во деловниот простор и култура и сега се мачат. Луѓето често работат во традиционални делови и тешко имаат пристап до проектниот просторот, како и дигиталните и аналогните алатки што им се потребни за да ги споделат содржините и ефективно да соработуваат.

“Креативната работа потребна за иновацијата да се случи, бара потполно различни однесувања отколку оние што традиционално се негуваа во Индија и Кина”, објаснува Valoe. “Организациите мора да го поттикнат однесувањето кое е потребно за нов начин на работа. Работната средина мора да биде дизајнирана да ја зацврсти оваа промена.”Господин On од компанијата DJI се согласува со ова тврдење: “Опкружувањето претставува голем дел од културата. Мислам дека во многу канцеларии низ целиот свет, особено со технолошки и стартуп компаниите, ѕидовите се срушени за да се поттикне отворената комуникација “, вели On. “Ние имаме концепт на отворена канцеларија, а вработените немаат секој свое биро, туку ги користата бироата по потреба.Исто така имаме и стоечки бироа и софи. Поврзувањето едни со други ја отвора вратата за соработка. Соработката ја олеснува размената на идеи,а иновациите произлегуваат од новите идеи, нови перспективи и нови начини на извршување на работите “.

Хиерархискиот поредок кој строго се почитува сè уште е пречка, но сепак е присутен во многу организации низ цела Азија. “Строгите хиерархиски структури ја саботираат иновацијата”, вели Wu Liping, претседател на кинеската компанија Joyea, специјализирана за производство на опрема за пакување. “Работните цели може да бидат погрешно насочени ако соработниците играат на „карта на сила“. Довербата е основа за фер комуникација, која ја подобрува ефикасноста и резултира со нови решенија за нашите клиенти. Еднаквоста е исто така важна. Ние ги почитуваме, поддржуваме и се грижиме за секој член на тимот. Сакаме сите да се чувствуваат ценети. На овој начин, ние обезбедуваме позитивно опкружување и подобрување на ефикасноста на работниците “.

КАКО да СЕ ПОДГОТВиме ЗА ИНОВАЦИИ

Што можат да направат организациите за да создадат добри услови за успехот на процесот на иновации?

Истражувачите од Steelcase откриле три неопходни услови:

  • Треба да се утврди точниот план за иновации и идните деловни планови на компанијата.
  • Треба да се избере соодветен иновативен модел според кој тимска структура и интеракцијата ќе бидат избрани.
  • Треба да се постават нови методи за да се подготви теренот за иновации, а меѓу вработените да се изберат модели кои ќе го промовираат посакуваното однесување.

“Со тоа ќе можете да им покажете на вработените дека треба да усвојат нови начини на работа, а физичкиот изглед на деловниот простор ќе мора повторно да биде редизајниран, на начин што ќе претставува поддршка и одраз на културата на иновациите”, вели Valoe.

НОВО РАБОТНО ИСКУСТВО

Иновацијата значи создавање на работно место каде што луѓето можат да изградат цврсти мрежи, да развијат доверба и да учат едни од други. “Работното место треба да содржи различни елементи, од кои секој е потребен во некој дел од креативниот процес”, вели Valoe. “Луѓето имаат потреба од различни простори за различни типови на задачи – заеднички простори,за интензивна индивидуална работа и простори каде што можат да избегаат за да се одморат и да се дружат со своите колеги. Овие простори мора да ја негуваат културата на иновации во која се охрабруваат нови идеи и необични начини на размислување “.

Како тогаш изгледа работно место каде што се поттикнува културата на иновации? Ова место промовира континуирано учење, отворена комуникација, слобода на изразување, транспарентност, еднаквост и зајакнување на вработените. Тоа изгледа вака:

Заедничко учење

Замислете да работите на проект кој вклучува и други области на експертиза покрај вашата. Наместо да седите на работното место, вие се придружувате кон тимот од трговци, дизајнери и инженери во соодветен простор. Соработката, во овој случај е сосема природна и служи за да потврда дека членовите на тимот заеднички ги утврдуваат основните знаења потребни за развој на проекти. Масите се лесни за движење и можете да ги поставите како што сакате – да ги поврзете во случај на групна соработка или да ги одделите за потребите на индивидуална работа и работа во помали групи. Просторот е лесно достапен за советниците кои се вклучени во проектот како хонорарни работници. Дигиталните и аналогните алатки за комуникација го олеснуваат разменувањето на информациите. На овој начин, сите можат да учат едни на други и да споделуваат меѓусебно различни перспективи, предводено од знаења од различни дисциплини.

Плочата служи за снимање на успешни и неуспешни тимски потези – и секој од нив е важен – бидејќи членовите на тимот брзо ги истражуваат и тестираат идеите со прецизни цели на дневна и неделна основа. Кога се постигнуваат клучните цели, масите се соединуваат и целиот тим има заеднички ручек или “среќен час” за заеднички да ги слават достигнувањата.

Важноста на повратните информации

Големите состаноци за размена на идеи и пропратни дискусии може да бидат застрашувачки за затворените  членови на тимот. Исто така, секогаш постојат оние кои претпочитаат да поминат извесно време и да го филтрираат она што го слушнале пред да направат свои заклучоци. Бидете сигурни дека ќе создадете средина во која сите членови на тимот може да дадат и да добијат значајни повратни информации. Сите достапни маси слични на оние во кафулето, за помали групи (два до четири вработени), им овозможуваат на тимовите да бидат полесно и почесто поврзани. Благодарение на ваквите редовни можности за тестирање на идеи во помали групи, процесот на градење доверба ќе се одвива многу побрзо.

Обидете се да ги организирате состаноците на начин што поттикнува дискусија. За време на дискусијата, напишете повратни информации за самолепливи летоци, а потоа поделите ги на сите. И фиксните и подвижните панели, во овој случај ќе бидат многу корисни. Релаксирачките објекти во близина на поголема сала за состаноци ќе бидат удобен агол за потивките членови на тимот. Таму би можеле да размислат за идеите што ги слушнале за време на состанокот и потоа да придонесат во дискусијата со додавање на идеи во разговорот со колегите.

Тимот е сопственик на идејата

Понекогаш начинот на кој се пренесува идејата е подеднакво важен како и самата таа. Споделувањето и критиките се важни елементи за тестирање и развивање на идеи. Научете ги членовите на тимот да не бидат премногу приврзани на сопствената работа, туку да ја искористат соработката. Развијте ги презентациските вештини кај сите членови на тимот преку помали тестирања. Голем број помали презентациски простори за групи од два до четири лица се помалку застрашувачки за изложувачите кои не се чувствуваат удобно во поформалните околности. Направете ги овие простори секогаш достапни за импровизирани состаноци, така што таквото однесување ќе стане ритуал. Идеите ќе се развиваат побрзо, а членовите на тимот ќе бидат посигурни во презентирањето на нивната работа.

Во моментот кога ќе го претворате концептот во акција,распределете ја одговорноста на членовите од тимот. Некои членови на тимот можат да се состанат во соодветен простор и да започнат да продуцираат прототип на производот, додека остатокот од тимот може да се поврзе со клиенти или компании за почеток за да видат дали концептот е остварлив.

Креирање култура на иновации

За да се направат иновации одржливи во организациите во Кина и Индија, тие мора да ги отстранат пречките и бирократијата што ја ограничува комуникацијата меѓу лидерите, тимовите и одделенијата во рамките на компанијата. Тие, исто така, мора да им ја овозможат слободата и физичките средства што им се потребни на сите што се вклучени ,за да ги презентираат своите идеи и да дадат можност за нови концепти.

Промената на физичкиот изглед на животната средина ќе резултира со промена на однесувањето, и за некое време ќе се појави нова култура – култура на иновации.

https://www.steelcase.com/research/articles/topics/innovation/accelerating-innovation/?utm_source=linkedin&utm_medium=post&utm_campaign=360-issue-74&utm_content=asia-innovation