Ергономија на работното место – немој да заборавите дека не сме сите еднакло градени

Ергономија на работното место – немој да заборавите дека не сме сите еднакво градени

Ни места за поддршка на многу различни градби на работниците? Постојат можности да се дизајнираат седечките како и стоечките работни места за да се вклопат со различни работници и да се намали ризикот од мускулно-скелетна повреда, користејќи решенија кои може да бидВо многу работни опкружувањa повеќе работници делат исто работно биро – седејќи или стоејќи.

Сепак, не сите луѓе се создадени еднакви и висинските разлики можат да предизвикаат проблеми. На пример вработените во маркет, пониските вработени може да имаат болка во рамената и горниот дел од грбот кога работат на каса, додека повисоките вработени може да имаат болка во долниот дел на грбот поради наведнување за подредување на артиклите.

Оваа тема во последно време е во подем во канцелариските средини, бидејќи користењето на заеднички работни места станува се почесто. Овие работни места ги споделуваат многу работници, затоа е потребна флексибилност за поддршка на различните телесни градби на луѓето.

Па, како може да се модифицираат работат со високи или ниски трошоци.

Еве еден поглед на некои од опциите за создавање на простори кои се погодни за сите работници, без разлика дали работат седејќи или стоејќи.

Седечки работни бироа

Изборот на вистинската столица е еден од најважните сегменти на седечките работни станици. Соодветната канцелариска столица овозможува сите работници да го прилагодат столчето за да одговара на нивното тело и да се чувствуваат удобно додека седат.

Прво, прилагодете ја висината на седиштето за да му дозволите на вработениот да седи со стапалата рамно на подот и бутовите со агол од 90 степени. Доколку при седењето работниците не можат да ги стават стапалата рамно на подот, одлична опција е да набавите табуретка за нозете. Не само што ова обезбедува поддршка, но исто така им овозможува на работниците да ги менуваат позициите додека седат.

Следно, прилагодете ја длабочината на седиштето така што, кога седат да можат да стават двата прста меѓу работ на столот и задниот дел на колената.

Потоа прилагодете ги раконаслоните за да се одморат лактите со агол од 90 степени, што ќе помогне да се спречи болката на рамото и надлактицата, за која многу работници се жалат.

Конечно, прилагодете ја лумбалната потпора за да го одржите природното искривување на ‘рбетот и да му ја дадете потребната поддршка на долниот дел од грбот.

Канцелариската столица треба да одговара на телото како удобен пар чевли. Таа не треба да стега, да предизвика вкочанетост или да се чувствувате непријатно. Во тој случај, прилагодете ги поставките за да се чувствувате добро.

Друга важна ставка за седечката работа е местото за тастатура, која доаѓа во различни стилови. Побарајте тастатура со една површина за пишување и за глувчето за да го избегнете непријатното движење за време на употребата на глувчето, што може да предизвика болка во рачниот зглоб и рамениците.

Ако раконслоните на столот се поставени на оптимална височина, наместете ја висината на тастатурата така што зглобовите ќе одржуваат неутрална или рамна положба без преголеми виткања. За секое работно место, прилагодувањето на раконаслоните и тастатурата ќе ја елиминираат речиси секоја болка и непријатност на рамото и долниот дел на грбот.

Стоечки работни места

Стоечките работни места можат да создадат поголема непријатност отколку седечките работни места, особено во нозете, стопалата и долниот ден на грбот. Без оглед на висината, сите работници кои користат стоечки работни места треба да носат добри чевли. Сите стоечки работни места треба да имаат или метална прачка или друго подигнато подрачје за да им овозможат на работниците да ја променат положбата и да вклучува мека ткаенина за амортизација. Друга опција е да се обезбедат високи столици за работа.

За стоечките работни места, соодветната висина за работната површина обично се заснова на висина на лактот. Стоечката работна површина треба да биде поставена помеѓу 90 и 115 сантиметри или 35 до 45 инчи, според Канадскиот центар за здравје и безбедност при работа.

Висината на работната површина зависи од видот на задачи што се вршат на неа. На пример, ако се работи за рецепција со компјутер, висината на работната површина треба да биде на долната граница за да се приспособи на тастатурата и да се намали било какво навалување на рамениците при пишување. Или, ако работното место е за рачна работа како што е кујна, прехранбена трговија или монтажа, работната површина треба да биде уште пониска за да остави доволно простор за алатки или друга опрема што се користи за да се завршат задачите.

Постојат многу различни опции за прилагодување на различните работници кои користат стоечки работни површини.

Првиот и најлесен начин за сместување на сите работници е автоматската работна површина која може да се прилагоди по висина. (Тоа е, исто така и најскапата опција.) Многу различни монтажни постојки и продавници користат височински прилагодливи работни површини за да се намалат непријатностите од виткање кај работниците. Со автоматски систем, идеалните височини може да се меморираат за секој работник поединечно, така што за време на нивната смена, можат да ја прилагодат висината која им одговара.

Други опции со пониски трошоци вклучуваат мануелно (рачно) прилагодување на висината на работното место. За пониските работници, фокусот е да се доближи работникот до работната површина за да се минимизира болката во рамениците и горниот дел од телото. Точната висина може да се постигне со подигната платформа или столче со можност за прилагодување на висината (слично на канцелариски стол). Повисоките работници треба да ја приближат работната површина. Подигнатите платформи или механизми на маса за прилагодување на височина можат да го намалат непријатното свиткување и непријатностa во долниот дел од грбот.

Тоа што повеќе работници користат истата работна маса отвара различни прашања, но и можности за една организација. Важно е да се разберат видовите задачи што треба да се извршат на секоја работна позиција за да можат тоа место да го дизајнираат за да одговара на работникот.

Постојат многу различни решенија со високи и ниски трошоци за намалување на факторите на ризик за мускулно-скелетни повреди и овозможување непречена транзиција помеѓу различни работници кои ја користат истата област. Со создавање на работна површина која истовремено ќе одговара и на највисоките и на најниските работници, сите тие ќе можат подобро да ја извршуваат својата работа, да бидат посреќни и да се намалат шансите да доживеат непријатност или да се повредат.